【年宵係將生米煮成熟飯既地方，想食...識邊個好快啲約】
雖然我從不喜歡孤單一個，可惜偏偏每年情人節都係孤獨一個，所以今年決定點都要搵條女陪，仲要拎到佢既豬...朱古力！本身我仲諗緊可以點開口約，不過今年完全比曬機會我地啲毒J，昔逢年廿九咁啱啲年宵開曬，我梗係唔執輸搵呢個藉口約左女神bb去。一開始約有啲困難，仲以為唔得...
「Katie，你14號有冇野做呀？」
「14號...冇呀，但唔係情人節咩？」
「情咩人節吖，年廿九姐，我地去年宵啦，就黎完想去睇下。」
其實我都唔知我咁講會唔會太明顯或者太假，但你又吹我唔脹，因為佢竟然一句好呀，就約左7點喺銅鑼灣E出口等。
一去到我屌，點解可以咁撚多人...打比Katie又因為太多人收唔到，搞到我呆等左三個字。好彩我等緊嗰陣一眼關七，自己女神點會認唔出，喺人群之中佢就好似一隻螢火蟲咁耀眼，灰色T、白仔牛仔短褲...仲要加埋個界波袋，搞到件衫睇到曬成個bra邊，嘩...搞到我細佬呢個時候都忍唔住尊重返呢個衣著，抬起頭望下眼前呢個女仔。
「喂，你望咩呀？我喺度呀！頭先勁多人電話又收唔到又熱又焗...哎呀...!」
突然有個毒J撞左Katie一野，可能愈夜愈多人，身邊壓迫感愈來愈大，我同Katie既距離只係隔左佢對波，頂呢個情況就猶如日本偉大既動作片場景一樣，搞到我細佬又出黎湊下熱鬧。不過！我唔可以再比細佬出黎搞搞震，一陣比Katie發現就大鑊，我唔想未過12點就要返屋企又係自己過。所以我強行幻想Katie係一個暗瘡大肥婆，唔諗仲好，一諗，又多人，我有少少想返屋企。呢個時候要喺幻想之中保留返少少理智，為左Katie我會努力。
望到身邊既人，為免Katie走失，我用訓練左廿年既左手臂彎攬住佢膊頭。可能我真係太勤力訓練，唔覺意比佢望到啲手筋同肌肉，佢眼神話我知佢係驚訝左一野。之後我都盡量多啲show下左手...因為右手唔係慣用，瘦到好似藤條咁，比佢睇到就唔係幾好。
入到去維園簡直痴線，多人到我條撚貼住前面男人個屁股咁行，我更加用力咁攬住Katie，隨便比佢聞下我今日特登噴既止汗劑（古龍水就不了，唔識揀會臭到仆街）。如果大家有去年宵既經驗，應該會知每個攤檔既店主為求散貨都會落力大嗌、叫人幫襯，所以我同Katie行到邊度，啲店主都會大叫：「買野送比女朋友啦，你睇佢個樣幾想要！」、「買左呢個攬枕一世都咁sweet呀」、「你地咁襯，買埋情侶衫啱曬啦。」...總之行到邊都會比人以為我地真係一對情侶，聰明既我即刻打蛇隨棍上，笑住咁望住Katie，等啲人覺得我地真係一齊緊，更加落力咁推銷，潛移默化令佢都覺得我係佢男朋友。
「喂，乜我地真係好似情侶咩？個個攤檔都講既？」
on9唔係似，而係店主想你買梗係咁講啦...但我唔會自爆，於是擠出有史以來最真既假笑咁答Katie：「haha我都唔知喎，似咩？」識醒就唔好咁主動，仲將個波掟返比佢！之後要做啲咩？行左咗耐一定有啲肚餓，我買左佢最中意既野食比佢，見到佢食得咁開心，就算明知比啲鋪頭湯都抵。
食飽後繼續行，但係現場實在太多人，多人到夾實我同Katie，我諗...係依家喇！跟住一野攬住佢...「喂...你做咩呀？」「太多人喇，我驚你比人摸。」其實摸緊佢既人咪得我一個囉，之但係你咪理，呢下咁突然既舉動足以令佢心動，行行下仲拖埋手...拖到上...地鐵姐。
原來年宵可以將一切既抽水都合理化，依家唔止有人同我過情人節，下年、下下年，之後既情人節都唔便其實毒撚一個更開心喇😨😭咁有耐性睇到呢度既你，比個提醒你，your face your fate，如果你地本身唔熟唔曖昧緊就唔好妄想可以照做，盞冚家仆街架啫，係咁，我同Katie去做愛做的事...煮野食喇。
Search